Sawirro:-Dalka Jabuuti Oo Markii Ugu Horreysay Laga Soo Saarayo Tamarta Laga Dhaliyo Uumiga

Shirkad laga leeyahay dalka Iceland, ayaa dalka Jabuuti ka fulineysa Mashruuc balaaran oo dalkaasi looga soo saarayo tamarta uumiga ee dhulka hoostiisa (Geothermal), waxaana mashruucan ku baxaya lacag gaareysa 45 Malyan oo Doollar.

Shirkadan ayaa deegaan lagu magacaabo Fiicanle oo kuyaala dalka Jabuuti ka qodeysa Sadex ceel oo laga soo saarayo tamarta uumiga ee dhulka hoostiisa, Waxaa la filayaa in tamarta korantada ee seddexdaas ceel ay daboosho 25% baahida korantada ee Jabuuti.

Wasiirka dhaqaalaha iyo miisaaniyadda ee dalka Jabuuti, Ilyaas Muuse Dawaale, ayaa sheegay in mashruucan dalkiisa muhiimad gaar ah u leeyahay, waxa uuna xusay in xiligan dunidu aad u rabto  tamar nadiif.

Dalka Jabuuti ayaa rajo badan ka qabta in sanadka 2020-ka  in 100% korantada ay isticmaalayso laga dhalin doono uumiga ka soo baxa dhulka hoostiisa, waxa ayna Jabuuti hada ku tiirsan tahay Tamarta korontada caadiga oo ah mid qaali ah.

 


Shabakada Baahin.com Kala Soco Wararkii Ugu Danbeeyay

Nagala Xiriir E-mail cabkayare@gmail.com

Fikradaha Akhristayaasha (0)




ads

WP Facebook Auto Publish Powered By : XYZScripts.com