Dhageyso Jeesow: Gaal kan ugu madow ayaa loo dhiibayaa Bankiga Dhexe, kana fiican 4.5

Xildhibaan Daahir Amiin Jeesow, oo ka mid ah xildhibaanada golaha shacabka ayaa taageeray in Bankiga Dhexe ee Soomaaliya loo dhiibo qof ajanbi ah, xilli maanta la ansixiyay xeer ogolaanaya.

Jeesow waxa uu sheegay in Bankgiga Dhexe ee Soomaaliya mudo hoggaankiisa lagu soo xulayay hab beeleed, taasina uu sheegay inay dhibaato dalka ku tahay.

“Bankigena waxaa maamula 4.5 wax la yiraahdo, Alle ayaa idinku dhaarshaye ilaa baarlamaankii 8-aad waxaa lagu soo xulayay 4.5, qofka dhahaya muwaadinimo iyo dal aan ka damqanaa, ayaa ku leh ajaanib ayaa loo dhiibayaa, dekadeena yaa lacag nooga uruuriya ajaanib, waxaa xalaasha ah ee aan ku kala baxeynaa waa isaga, gaal midka ugu madow ayaana loo dhiibayaa”

Waxa uu sheegay in dalkeena loo baahan yahay in caalamka kale uu wax la qeybsado iyo fur furnaan, hase yeeshee lacagta canshuurta ah ee dadka Soomaaliyeed laga soo aruriyo aan 4.5 lagu qaadaneyn.

Hadalka xildhibaan Daahir Amiin Jeesow ayaa kusoo aadaya xilli xildhibaanada golaha shacbaka ay maanta ansixiyeen xeer ogolaanaya in qof ajnabi ah uu madax ka noqon karo Bankiga Dhexe ee Soomaaliya.

1 COMMENT

  1. Madaxweynuhu sow Mareykan ma aha, oo laguma dhaarin danta Mareykanka, Barlamaanka kuwa ku jiraa waa wada Ajnebi, wax yar aan aheyn,. Aduunka oo dhan bey ka dhacdaa in nin ajnebi ahi ka shaqeeyo meela muhiima dowlad kale, war aan is gaabino. qaylo maanta inakuma fiicna, ninkaan wax badan ayuu nagu soo kordhinayaa, waana lala xisaabtamayaa, waa nin shaqaale ah, waliba ka cabsi badan kii Somaliga ee ku dhiiranayey tuugnimo, wax aan fahamno.

LEAVE A REPLY

Please enter your comment!
Please enter your name here