Saraakiil lagu soo tababaray Turkiga oo dib ugu soo laabtay dalka (Daawo Sawirro)

Ku dhowaad boqol saraakiil iyo saraakiil xigeeno dalka Turkiga lagu soo tababaray ayaa Muqdisho dib ugu soo laabtay maanta.

Saraakiishan oo la socday dayuurad gaar ah oo ay leeyihiin milateriga Turkiga ayaa waxaa garoonka Aadan cadde ku soo dhoweeyey Wasiirka gaashaandhiga Somalia iyo masuuliyiin kale.

Waxaa naga go’an dib-u-dhiska ciidamada qalabka sida ee somalia, waxaana u mahadcelinayaa Madaxweyne Maxamed Cabdullahi Farmaajo iyo Raisal Wasaare kheyre sida Wasaaradda gaashaandhigga iyo Taliska Xoogga ay ugu garab taagan yihiin dib-u-dhiska Ciidan Soomaaliyeed oo awood leh sidii dalka uu u yeelan lahaa” ayuu yiri wasiirka Gaashaandhiga Somalia.

Dowlada Turkiga saaxiib dhow la ah Somalia ayaa sidoo kale duleedka Muqdisho ku leh saldhig milateri oo lagu tababaro ciidamada dowlada Somalia.

LEAVE A REPLY

Please enter your comment!
Please enter your name here